ორ ზოლად გაყოფილ გზას ეტყობა, რომ აქ ადამიანები ცხოვრობდნენ და ოდესღაც ურმები დადიოდნენ. გზისპირას გამოფიტული სარები და ჭიგოები ღობის არსებობაზე მიანიშნებს. რამდენიმეგან ბუხრის კედლების ნანგრევებიც შემორჩენილა. თითქმის ტყედ და ბარდებადაა ქცეული ეზოები, საქონლის გაკვალული ბილიკებიღაა ზედ. თითქმის აღარ ეტყობა ცივილიზაციის კვალი. ძნელია მიხვდე, ბოლოს როდის გაიარა აქ ადამიანმა, თუმცა ერთგან შუა გზაზე ვიღაცის ფეხსაცმლის ძირი ეგდო. საკვირველია ვის დარჩა ან გაძვრა და ვერ შეამჩნია? :Dდა მე მივაბიჯებდი მზით გამთბარ გზებზე და ბილიკებზე, ჩრდილებში, გზისპირებში ამოსულ შინდს და ტყემალს მივირთმევდი და უდარდელად ვტოვებდი კურკებით ჩემს კვალს.
1 comment:
ჩემი სოფელი - ქვაბისხევი და მისი ბუნება გამახსენდა.
ისეთი ლამაზი და კარგი იყო. ამ ბილიკისგან განსხვავეით, იქ მუდამ ეტყობა რომ ყველანაირი ადამიანი დადის -მოხუცი თუ ახალგაზრდა, დაბალი თუ მაღალი, ჯოხიანი თუ უჯოხო.. ძალიან მენატრება იქაურობა..
Post a Comment