BMO in my Room

რადგან წვიმის გამო აივანზე მოკალათებას ვერ ვახერხებ, ბოლომდე მოვაღე ჩემი ოთახის ფანჯარა, გვერდზე ლაიმიანი დესპერადოსი მოვიდგი და სანამ ჩემი სამაგისტორსთვის პროცესსინგინს პევექტორების ტუტორიალის კითხვას გავაგრძელებდე, პოსტის დაწერა გადავწყვიტე. გუშინ ნაშუადღევს კონსულტაცია მქონდა და იმის მერე ისე გადაება ყველაფერი, დღეს საღამოს აღმოვაჩინე, რომ უკვე ოცდაოთხ საათზე მეტი იყო გასული, რაც ლეპტოპი არ ჩამირთავს. 

აი ვინ ცხოვრობს ჩემ ოთახში : )

რაღაცნაირად ისევ დაძაბული ვარ და ღამე ისევ ცუდად მძინავს. დღეს დილით მაგალითად ხუთ საათზე გამეღვიძა და სამი საათის განმავლობაში ვცდილობდი ისევ ჩაძინებას და არაფრით არ გამომივიდა, სანამ მუსიკა არ ჩავირთე ისევ. თვალები გადამეღალა და ზოგჯერ ფოკუსირება მიჭირს და ვცდილობ მეტი ვიარო ფეხით. სამაგიეროდ ჩემი სინესთეზია ხმებზე გამკვეთრდა, მეც უფრო ვაკვირდები და ვცდილობ მუსიკის ან სხვადასხვა ხმების მოსმენისას უფრო დეტალურად დავინახო გამოსახულება და ფერები. სიტყვებზე ცოტა აირია, სხვადასხვა ენებზე სხვადასხვა ფერებია და სხვადასხვანაირად ჩანს.

მომავალი კვირიდან ალბათ ძირითადად უნივერსიტეტში გადავსახლდები, უკვე დავწყებ საცდელი პროტოტიპის აწყობას და დატესტვას და დიდად არ მინდა ჩემს ოთახს ათასი კაბელი და არდუინოები დავამატო. 

ლეპტოპი ისევ არ მიყიდია, ძალიან არ მინდა i5 პროცესორით ყიდვა, მაგრამ მგონი მეტს ვერ გავწვდები და ჩემმა ახლანდელმა ეიჩპიმაც ნებისმიერ წუთს შეიძლება გაჭედოს. საერთოდაც ივნისის სტიპენდია ჯერ არ ჩარიცხულა და ანგარიშზე სამი ევროღა მიგდია. 

Not For Sale (CocoRosie)

დღეს ამ პატარა ნაწერს წავაწყდი ფბ-ს თვალიერებისას და მივხვდი, რომ რაღაც მომენტში ზუსტად იმ წყლიანი ჭიქით ხელში მდგარი დავიჭირე ჩემი თავი და დავდგი